Младински турнир во шах во Гази Баба

Во ООУ „Наум Наумовски – Борче" во скопската населба Маџари во изминатите два дена се одржа младински шаховски турнир на кој учествуваа 106 млади шахисти од земјава поделени во три категории. 

 

На тунирот до 8 години победи Кирил Николовски со 9 победи од 9 партии, пред Либерт Муча кој освои 8 поени од 9 партии, а третото место го освои Илир Деваја Арифи. На турнирот до 10 години најуспешен беше Филип Цветковски  со 8 од 9, додека со 7,5 од 9 на второто и третотот место се пласираа Никола Павковски и Михаил Николовски.

 

На ОПЕН турнирот кој се рејтингуваше, учествуваа 74 шахисти. Првото место со 8 поени од 9 партии го поделија Птоломеј Петар Стојанов  и Емил Ристески, а тртото место Андреј Велјаноски и Лазар Петровиќ.

 

Турнирот беше организиран по повод патрониот празник на ООУ Наум Наумовски - Борче во соработка со општина Гази Баба и Шаховската федерација на Македонија. Учествуваа шахисти од скоро сите шаховски школи во Македонија и тоа Гамбит Ассеко СЕЕ, Алкалоид, Јахја Кемал јуниор, Ласкер Охрид, Кочани и домаќинот ООУ „Наум Наумовски - Борче".