Мисајловски: Обновата на пругата од Битола до грчка граница ќе заврши навреме
Железничката линија Битола-Кременица до границата со Република Грција се реконструира интензивно, на трасата се работи ефективно и очекувам динамиката да продолжи, изјави министерот за транспорт и врски Владо Мисајловски при денешната посета во општина Новаци.
Мисајловски посочи дека има секојдневни состаноци со претставници на сите изведувачи и оти се информира за активностите.
- Мислам дека работите ќе се движат уште побрзо, дека времето ќе не’ послужи и оти се ќе заврши навреме, рече Мисајловски.
Градежните активности опфаќаат обнова на 17 километри пруга од крајот на станицата во Битола до границата со Грција и реконструкција на повеќе премини. Се планира и поврзување со новата индустриска зона во Жабени и изградба на нова железничка станица за прекуграничен сообраќај (патен и товарен) со придружни објекти, нова сигнализација и телекомуникациски инсталации.
Одговарајќи на новинарски прашања министерот Мисајловски рече дека се преземени мерки за надминување на проблемите предизвикани од карпа на пругата Скопје-Битола, кај Богомила.
- Кај населеното место Богомила, на пругата Битола-Скопје, денеска има екипи од Градежен факултет-Скопје и други експерти кои треба да подготват техничко решение и да се надминие проблемот со една карпа која треба да се минира и да биде отстранета. Очекувам брзо решавање на овој проблем што се појавува на пругата, посочи Мисајловски.
Министерот за транспорт истакна дека по завршување на безбедносните проверки, тестирања и едукација на машиновозачите, и официјално ќе биде пуштен во употреба неодамна пристигнатиот нов воз набавен за МЖ „Транспорт“ ад Скопје од кинеска ЦСР.
- Освен изградба и рехабилитација на пругите, со задоволство информирам дека стигна првиот нов воз во Македонија и очекувам викендов да завршат безбедносните проверки и тестирања, едукацијата на машиновозачите и други подготовки, а потоа официјално ќе го пуштиме во работа првиот воз, а сукцесивно ќе стигнуваат и другите, согласно договорот до април, рече Мисајловски.
Ново на Сител
-
ИЈЗ: По проверките, сите реагенси од исклучените фрижидери се функционални
-
Гаши: Заложбата на Илинденците трае и денес, треба да не обедини патриотизмот и заедничка цел за подобра држава
-
ТАВ Македонија: Нашиот вработен не се обиде да и го одземе телефонот на косовската претседателка Османи
-
Повреден пожарникар од Струмица при гаснење пожар
-
Претрес во Скопје, пронајдена дрога
-
Трамп: Ќе поднесам оставка доколку моето здравје се влоши за време на функцијата
-
Мицкоски: Илинден е историска вистина и нашиот најсилен повик за акција и единство денес
-
ОЈО поведе истрага за убиство во Батинци, полицијата трага по сторителите