Мис Англија Баша повторно работи како докторка додека трае пандемијата на коронавирусот

Кон почетокот на март, таа заминала за Индија во име на развојното и социјално здружение во кое ја има улогата на амбасадор. Тие посетиле бројни училишта во кои донирале прибор и пари за дом на напуштените девојчиња.  

Но, со влошувањето на ситуацијата со коронавирусот во Велика Британија, Мукерџи добивала пораки од поранешните колеги од болницата во источна Англија, во кои ѝ пишувале за тешката ситуација во која се наоѓаат. Потоа, Баша го контактирала менаџментот на болницата за да им даде до знаење дека сака да се врати на работа.

24-годишната Мукерџи рекла дека е погрешно да се носи круната на Мис Англија, дури и за хуманитарна работа додека луѓето ширум светот умираат од коронавирусот.

“Кога ја извршувате сета оваа хуманитарна работа во странство, сè уште се очекува да ја ставите круната, да се припремите и да изгледате убаво. Сакав да дојдам и да заминам веднаш на работа”, изјавила Мис Англија.