Министерство за култура: Кривична пријава за Алаѓозовски за изнесените лаги

Министерството за култура најави дека ќе поднесе кривична пријава и тужба за граѓанска одговорност против претседателот на Комисијата за култура на СДСМ Роберт Алаѓозовски кој денеска на прес-конференција обвини дека ова Министерството сака да уништи архивски материјали.

- Министерството за култура ќе поднесе кривична пријава и тужба за граѓанска одговорност против Роберт Алаѓозовски кој на денешната прес-конференција изнесе бројни лаги и невистини и го наруши угледот на самата институција. Дописот кој Алаѓозовски го презентираше во јавноста, кој патем е незаконски стекнат, претставува законска обврска на Секторот за општи работи при комуникацијата со останатите сектори во Министерството, предвидена согласно Законот за архивски материјал, Уредбата за канцелариско и архивско работење и Упатството за начинот и техниката на постапување со архивскиот и документираниот материјал во канцелариското и архивското работење, се вели во реакцијата на Министерството за култура.

За оваа, како што велат оттаму, изнесена лага и невистина, покрај кривичната пријава и тужбата  од страна на Министерството, соодветна тужба ќе поднесе и лично министерот за култура.