Министерот за правда Кренар Лога во дводневна посета на Хаг
Министерот за правда Кренар Лога, во рамки на дводневната посета на Хаг, денеска ќе присуствува на церемонијата на потпишување на Љубљанско-Хашката Конвенција во Палатата на мирот.
Како што соопштија од Министерството за правда, предвидено е министерот Лога да ја потпише Конвенцијата за меѓународна соработка во истрагата и гонењето на злосторството геноцид, злосторства против човештвото, воени злосторства и други меѓународни злосторства.
На настанот најавено е присуство на министри за правда од повеќе од 80 држави во светот.
Утре, министерот Лога ќе оствари средба со претседателот на Европравда Ладислав Хамран.
- Средбата која е иницирана од страна на претседателот Хамран, е во рамки на веќе воспоставената соработка како и разгледување на можностите за повторно покренување на прашањето за упатување на обвинител за врска од Република Северна Македонија во Европравда, информираат од Министерството за правда.
Оттаму, истакнуваат дека именувањето на јавен обвинител за врски од нашата држава во Европравда е еден од клучните предуслови за реализирање на меѓусебната соработка со оваа постојана мрежа на судските власти во светски рамки и обезбедување ефикасност во борбата против прекуграничниот криминал.
Ново на Сител
-
Пожар под Калето во Скопје, интервенираат четири противпожарни возила
-
Истрага за убиството во Батинци
-
Претежно стабилно и топло време по продолжениот викенд
-
Запалена спортска обложувачница во Бутел - Пожарот го зафатил и соседниот објект
-
Пронајден 61-годишен маж во безсознание на клинички – По кратко време починал
-
Кампањата на Камала Харис во јули собра 310 милиони долари
-
ИЈЗ: По проверките, сите реагенси од исклучените фрижидери се функционални
-
Гаши: Заложбата на Илинденците трае и денес, треба да не обедини патриотизмот и заедничка цел за подобра држава