Министерот Попоски во посета на Советот на Европа во Стразбур

Министерот за надворешни работи  Никола Попоски денеска претстојува  во работна посетана  Стразбур, организирана по повод 20-годишнината од членството на Република Македонија во Советот на Европа, јавува дописникот на МИА од Стразбур.

За време на неколкучасовниот престој во Стразбур, министерот Попоски ќе има средби со Генералниот секретар Торбјорн Јагланд, како и средба со новиот претседател на Европскиот суд за човекови права, Гвидо Раимонд.

Министерот Попоски, заедно со амбасадорот на Република Македонија при Советот на Европа вечерва за дипломатскиот кор од европската престолнина приредуваат свечен прием во чест на 20-годишнината од челнството на Република Македонија во најстарата паневропска органзиација.

Република Македонија официјално стана членка на Советот на Европа на 9 ноември 1995 година. Денес во Советот на Европа членуваат вкупно 47 земји.