Мицотакис: Нова демократија нема да го ратификува штетниот договор што отстапува македонски јазик и националност
Ставот дека Нова демократија нема да го ратификува Договорот од Преспа, ниту во овој ниту во следниот парламент, уште еднаш го повтори претседателот на партијата, Кирјакос Мицотакис, одговарајќи на новинарско прашање за време на неговата турнеја на грчкиот остров Кефалониа.
Како што јави дописничката на МИА од Атина, лидерот на најголемата грчка опозициска партија истакна дека главните причини за оваа позиција е нивниот став дека „за прв пат на соседите им се отстапува македонски јазик и македонска националност”, а тоа го прави договорот, според Мицотакис, „штетен за националните интереси”.
– Единствениот начин да се гарантира дека овој Договор нема да се ратификува во грчкиот парламент е да се одржат национални избори пред Договорот да дојде на ратификација во грчкиот парламент, за грчкиот народ да одлучи, не само за земјата, туку и за договорот за кој, како што реков, сметаме дека е штетен за националните интереси. Но, сакам да додадам и уште нешто: сликата од изминатите денови во соседната земја, за време на подготовката за првото гласање во Собранието, според моето мислење, не е слика која одговара на земја што може да се стреми да стане членка на големото европско семејство, рече Кирјакос Мицотакис.
Ново на Сител
-
Израел продолжува да дозволува помош во Појасот Газа
-
Јапонија: Осум мацутаке печурки продадени за 5.000 евра
-
Калас ја повика ЕУ „да биде покреативна“ во борбата против заобиколувањето на санкциите против Русија
-
Руската вакцина против рак наскоро ќе биде во Србија, експертите од „Торлак“ одат во Москва, најави српски министер
-
Скопјанец осомничен за обид за убиство на сопствениот брат
-
Одѕивот на локалните избори за првпат најверојатно нема да надмине 50 проценти во првиот круг
-
Во прв круг избрани 44 градоначалници, втор круг ќе има во 33 општини, повторување во три
-
ЕУ размислува за прием на нови членови без право на вето