Мицкоски: Власта си подготвува аванс преди изборите, распишува тендери за ископ во РЕК од 13 милиони евра

Претседателот на ВМРО-ДПМНЕ Христијан Мицкоски со документи објавени на Фејсбук открива според него, како се краде и уништува ЕСМ (поранешно ЕЛЕМ).

„Раководството на ЕСМ (поранешно ЕЛЕМ), распишува тендер за ископ на јаглен и јаловина за цела календарска година на три месеци пред почеток на кампањата за локални избори. На тендерот се јавува една компанија. Нема електронска аукција и има само една понуда. Вкупната вредност на тендерот е речиси 13 милиони евра. Цената е 99 ден/GJ, а пред само некоја година се случуваше за 44ден/GJ (https://sdk.mk/index.php/makedonija/transmet-sega-nudi-44-denari-za-isko...), тендерот да биде поништен.

ЕСМ (поранешно ЕЛЕМ) ја заврши 2020 година со загуба од 16,8 милиони евра. Избори се ближат, мора аванс да се земе! Почитувани сограѓани, За неколку месеци од денес Вие одлучувате дали сакате да живеете во ова секојдневие на криминал, корупција, банкрот, долгови и безидејност што го нуди СДСМ или нашиот план за иднината, Македонија за сите луѓе”, пишува Мицкоски на Фејбук.