Мицкоски оствари средби со амбасадорите на Грција и на Кина
Претседателот на ВМРО-ДПМНЕ, Христијан Мицкоски денеска (12.11.2019) оствари средби со Амбасадорот на Република Грција, Димитрис Јанакис, како и со амбасадорот на Народна Република Кина, Жанг Зуо.
Теми на двете средби беа актуелните политички случувања во Република Македонија, предвремените парламентарни избори кои претстојат и предизвиците со кои Македонија се соочува на меѓународен план.
Мицкоски потенцираше дека клучна стратешка определба на Република Македонија останува членството во Европската Унија и во НАТО, и токму затоа веднаш по преземањето на власта, ВМРО-ДПМНЕ веднаш ќе се посвети на исполнување на значајните реформи, но и создавање на силна економија со која државата и граѓаните ќе може да ги достигнат европските стандарди.
Претседателот на ВМРО-ДПМНЕ истакна дека актуелната власт предводена од СДСМ потфрлила на исполнување на клучните реформи, ги наведе заробеното судство, криминалот и високата корупција од страна на функционерите на власта при што ги посочи случаите Рекет 1 и Рекет 2 за кои немаше соодветна истрага а ниту се блиску до правна завршница.
Мицкоски нагласи дека во Република Македонија неопходно е итно враќање на владеење на правото и дека мора конечно да се расчисти со криминалот и корупцијата кои го достигнаа зенитот откако е СДСМ на власт.
Ново на Сител
-
Тема на денот со Алберт Муслиу, политички аналитичар
-
Препорака до осигурителните компании - утре да ги вратат старите цени на полисите
-
За прв пат формирано национално студентско тело: Што во пракса ќе им овозможи на македонските студенти?
-
Партиите испорачуваат барања на ВМРО-ДПМНЕ за владина коалиција
-
Парламентарни избори
-
Претседателски избори
-
ВО ЖИВО: Цени за осигурување на возила
-
Вработените во Фондот за здравство утре на протест