Мицкоски - Фидан: Потврдено силното партнерство, Скопје и Анкара ја зајакнуваат економската и политичката соработка
Претседателот на Владата на Република Северна Македонија, Христијан Мицкоски, денеска остварил средба со министерот за надворешни работи на Република Турција, Хакан Фидан на која се разговарало за долгогодишното пријателство помеѓу двете држави, за актуелната политичка и економска состојба, како и за напредокот на Северна Македонија кон Европската Унија.
Како што соопшти владината прес-служба, премиерот Мицкоски истакнал дека економската и политичката соработка помеѓу двете држави е од огромно значење и дека има потреба од нејзино понатамошно продлабочување. Во тој контекст, биле дискутирани можностите за зголемено учество на турските компании во македонската економија и за нови инвестиции од Турција.
Како НАТО сојузници, Мицкоски и Фидан ја нагласиле, се посочува, важноста на мирот и стабилноста во регионот, потенцирајќи дека дипломатијата останува клучна за решавање на сите конфликти.
-Мицкоски нагласи дека турското пријателство е од огромна важност за нашата земја, а турската заедница има значаен придонес во општествениот живот и економијата на Македонија. Воедно, беше истакнато дека Турција е докажан поддржувач и пријател на нашата земја и дека постои простор за продлабочување на односите во повеќе области, стои во соопштението.
Ново на Сител
-
АХВ: „Атлантик Штарк“ повлекува бисквити поради можност за присуство на надворешно тело
-
Тешко повреден мотоциклист во сообраќајна несреќа
-
Таравари: За приватните специјализанти ќе постапиме според интересот на болниците, над 10 доктори во Штип
-
Повеќе од 130 светски лидери следната недела на Генералното собрание на ОН
-
Над 7.500 ученици во Општина Аеродром добија бесплатни училишни униформи
-
Муцунски на Столтенберг му врачи Плакета за постигнатите успеси
-
Модуларната болница кај Инфективната клиника во Скопје ќе ја користат Затвор Идризово или Министерство за одбрана
-
Утре променливо облачно со повремен дожд, температура до 25 степени