Мицкоски: Дејвид Гета не беше само голем музички настан, туку вечер во чест на Македонија

Ова не беше само голем музички настан, туку вечер во чест на Македонија, на нејзината независност и на сите генерации кои ја граделе и ја чувале државата, објави на својата Фејсбук страница премиерот Христијан Мицкоски, споделувајќи го видеото на Дејвид Гета со неговите впечатоци за концертот и за Македонија.

-Благодарност до сите што беа дел од оваа прекрасна вечер и што заедно покажавме дека кога славиме за Македонија, славиме со срце, гордост и достоинство. Нека ни е вечна и независна Македонија, а ваквите моменти нека нè потсетуваат колку многу можеме кога сме заедно - се вели во објавата на Мицкоски.

МИА