Мертесакер повреден во сообраќајка, нема да игра против Динамо Загреб

Пер Мертесакер, одбранбениот фудбалер на премиерлигашот Арсенал, доживеал сообраќајна незгода, поради што ќе го пропушти дуелот со Динамо Загреб од првото коло во Лигата на Шампиони.

 

Сообраќајката се случила, откако дефанзивецот на Арсенал се враќал од тренинг, но поради влажните коловози изгубил контрола над возилото и удрил во оградата на автопатот.

 

За среќа, Германецот нема сериозни повреди, но по инцидентот бил во голем шок. Неговото враќање се очекува на мечот против Челси викендов.

 

Освен на Мертесакер, Венгер нема да може да смета и на Росицки, Велбек и Вилшер, кои веќе подолго време се повредени.