Меркел го свикува комитетот за Брегзит

Портпаролот на германската влада денеска изјави дека канцеларката Меркел во среда ќе одржи средба со своите најважни министри со цел да ги договори позициите на Германија во преговорите за заминување на Велика Британија од ЕУ.

Како што јавува дописникот на МИА од Берлин, тоа ќе биде прва формална средба на специјалниот комитет за Брегзит формиран во рамки германската влада на кој ќе се договара стратегијата на Гераманија во преговорите со Лондон.

Покрај Меркел, во ова тело влегуваат вицеканцеларот и министер за економија Зигмар Габриел, министерот за финансии Волфганг Шојбле и шефот на кабинетот на Меркел Петер Алтмајер.

Според портпаролот на владата во Берлин на состанокот ќе бидат дефинирани германските интереси со цел тие да бидат дел од преговорите на ЕУ со Велика Британија.