Меркел би можела да поднесе оставка во март, смета германски аналитичар
Германскиот аналитичар Михаел Шпренг тврди дека германската канцеларка Ангела Меркел во следните осум недели ќе се најде под голем притисок поради бегалската криза и ќе мора да ја стави под прашање довербата на Владата.
Политичкиот советник и некогашен главен и одговорен уредник на германскиот весник „Билд ам Зонтаг“ смета дека март ќе биде пресуден месец за Меркел поради покраинските избори и Самитот на ЕУ.
- Меркел е во огромна опасност. Може да се случи ситуацијата да се заостри до таа мерка што таа ќе мора да да ја стави под прашање довербата на Владата во Бундестагот, изјави Шпренг за виенскиот весник „Естерајх“.
Според него, германската канцеларка „се движи меѓу два пола - губење на довербата и на власта“.
- Мојата прогноза е дека со ЕУ ќе преговара до последната секунда и ќе утврди дека се што се обидувала било безкорисно. Тогаш ќе се најде компромис кој мора да биде некаде меѓу ограничувањата за прием на бегалци и затворање на границите, нагласува аналитичарот.
Шпренг смета дека нема вистински наследник за Меркел, исклучувајќи го Волфганг Шојбле, кој би можел да биде преоден канцелар до 2017 година, но не повеќе од тоа.
Ново на Сител
-
Њујорк и Денвер на чекор до полуфинале во НБА плејофот
-
Претрес во струмичко, пронајдена дрога, приведен дилер
-
Запален автомобилот на директорот на затворот ,,Идризово”
-
Халанд и Ортега го доближија Сити до шампионската титула
-
Најстудено на Попова Шапка, најмногу дожд во Крушево
-
Жалби до Управниот суд за изборните приговори, прва средба на работните групи на ВМРО-ДПМНЕ и Вреди
-
Во голем пожар во пристаништето Медулин уништени над 30 јахти | ВИДЕО
-
Без струја делови од Чаир и Аеродром