Менкиноски: Белешката од АНБ е единствен доказ за притворот на Камчев
Адвокатот Тони Менкиноски денеска на прес-конференција рече дека не е вистина тврдењето на јавниот обвинител за организиран криминал Вилма Рускоска дека белешката од Агенцијата за национална безбедност не е доказ во постапка во која е притворен Јордан Камчев.
Менкиновски кажа дека според сите решенија на судот со кои е ограничена слободата на Камчев, експлицитно еден и единствен доказ е белешката на АНБ.
– Белешката е празна и не содржи ништо. Да напоменеме согласно со македонското позитивно право или поточно со чл.43 ст.2 од законот за АНБ ,изрично е забрането податоците од АНБ да се користат како доказ во кривична постапка. Би сакаме да потсетиме дека одбрана во целиот арбитререн процес укажува на ова противправно и незаконито дејстување на АНБ и Јавниот обвинител. Но, ниту Судијата на претходна постапка, ниту кривичниот совет ниту Апелационен суд не сакаат да обрнат внимание, и оваа белкешка ја сметаат за единствен доказ во нивните одлуки, забележа Менкиновски.
Тој јавно прашува зошто Јордан Камчев бил предмет на обработка на АНБ, и тој претставува закана по националната безбедност?
Според него, направени се повреди во постапката од АНБ, од обвинителката Лиле Стефанова и од судиите од Кривичниот совет кои одредија и ја продолжија мерката притвор за Камчев.
Рече и дека одбраната се уште ја нема добиено белешката од АНБ и оти бараат фер постапка пред објективен и непристрасен орган, каде низ аргументи и докази ќе докажеле дека Јордан Камчев не е виновен и дека се работи, како што наведе, за процес со кој се сака да му се наштети на неговиот углед и репутација како истакнат стопанственик.
Тој информира дека предметот е веќе на опсервација и разгледување на повеќе меѓународни ентитети на Советот на Европа, чиј мандат е заштита на основните човекови права.
Ново на Сител
-
Поплави во Чешка и Полска по циклонот „Борис“
-
Велешанец на граница фрлил кутија од цигари во која имало дрога
-
Девојче, жена и маж се повредени – со возило излетале од пат кај Страцин
-
Папа Франциск: Трамп и Харис се „против животот“, гласајте за „помалото зло“
-
Столтенберг: НАТО можеше да стори повеќе за да се спречи војната во Украина
-
Приведен прилепчанец затекнат при кражба во викендица
-
Искрење од жици, запалена трева, стрниште и плевна причини за пожари - кривични за 4 битолчани
-
Формирано ново одделение за сериозен и сложен криминал во ОЈО Скопје