Менди со кауција пуштен од притвор

Фудбалерот на англискиот шампион Манчестер сити, Бенџамин Менди, е пуштен од притвор со кауција спроти судењето под обвиненија за силувања.

Менди, против кого се подигнати седум обвиненија за силување и едно за сексуален напад во врска со пет жени, е пуштен со кауција по вчерашното рочиште кое беше затворено за јавноста.

Францускиот репрезентативец во притвор мина 134 денови по приведувањето на 26 август лани. Судскиот процес против него требаше да почне овој месец, но е одложен за крајот на јуни.

Менди стана најскапиот дефанзивен фудбалер во историјата кога во 2017 година премина од Монако во Манчестер сити за 60 милиони евра.