Мексико Сити е градот со најмногу бесплатни ви-фи станици
– Мексико Сити, главниот град на државата со 128 милиони жители, е „најповрзаниот град во светот“ во однос на бројот на бесплатни и јавни точки на безжичен пристап, објави Гинисовата книга на рекорди.
Сертификатот и беше врачен на градоначалничката Клаудија Шејнбаум, која би можела да стане првата претседателка во историјата на Мексико на изборите во 2024 година.
Мексико Сити, дом на 9,2 милиони луѓе, има 21.500 јавни и бесплатни места за поврзување на Интернет, изјави портпаролот на Гинис за Латинска Америка Карлос Тапија на церемонијата кај споменикот на Ангелот на независноста во центарот на градот.
Тоа е награда за политиката „право на интернет за сите“, рече Шејнбаум, мислејќи на сиромашните семејства кои не можат да си дозволат претплата.
Мексико, 15-та по големина економија во светот, има 55 милиони сиромашни или 43,9 отсто од населението, 3,8 милиони повеќе отколку во 2018 година, покажуваат владините бројки.
Ново на Сител
-
Најмалку седум лица загинаа во самоубиствен напад во Сомалија
-
Во Њујорк поради поплавите прогласена вонредна состојба
-
Руски блогер осуден на 8,5 години затвор поради критики на инвазијата врз Украина
-
Тен Хаг: Оптовареноста на фудбалерите со натпревари е неподнослива
-
МЗ уверува дека глукомерите се безбедни, идната недела дел од пациентите ќе добијат сензори
-
Во Косово уапсен Србин осомничен за воени злосторства во 1998 година во Призрен
-
И Норвешка ја затвора границата за автомобили регистрирани во Русија
-
Мицкоски се сретна со Роберт Скот Хејзлет од НДИ