Свет
10. October 2019 - 12:25

Мексикански градоначалник го врзаа за автомобил и го влечеа по патот: Не ги исполнил предизборните ветувања па го потсетија

Единаесет лица се уапсени откако градоначалникот на едно место во мексиканската држава Чиапас го извлекле од неговата канцеларија, го врзале за камион и го влечеле по улиците, зошто наводно не го исполнил предизборното ветување дека ќе ги поправи локалните патишта.

Инцидентот се случил во вторникот, а градоначалникот го нападнале земјоделци, пишува Би Би Си.

Градоначалникот Хорхе Луос Ескадрон Ернандес многу брзо го ослободила локалната полиција, а тој не претрпел сериозни повреди, но најави дека ќе поднесе тужба за киднапирање и обид за убиство.

На видео снимките се гледа група мажи како го киднапираат градоначалникот од зградата и подоцна го влечат по патот.