Меј: Слободното движење на луѓе мора да продолжи одредено време, откако Брегзит ќе влезе во сила

Британскиот премиер Тереза Меј изјави дека е можно слободното движење на луѓе меѓу Велика Британија и Европската унија да продолжи одредено време по стапувањето во сила на Брегзит, јави Би-Би-Си. 

За време на посетата на Саудиска Арабија Меј истакна пред новинарите дека таа преодна фаза по излегувањето на Велика Британија од ЕУ ќе им овозможи на компаниите и владите да добијат време да се адаптираат кон евентуалните нови ограничувања, кои биле договорени во спогодбата за Брегзит. 

Весникот „Фајненшл тајмс“ објави дека Меј изјавила оти Велика Британија нема да ја финализира новата трговска спогодба со ЕУ додека не заврши процедурата за Брегзит во 2019 година, со оглед на тоа дека има правни барања како ЕУ да ги води трговските преговори.