Меѓународниот ден на слепите лица одбележан во Битола
Со јавна трибина и марш по Широк сокак, денеска во Битола, Здружението на слепи лица, локалната самоуправа и битолските Лајонси го одбележаа Меѓународниот ден на слепите лица – 15 октомври.
Тема на годинашната трибина беа можностите за нови вработувања на слепите лица. Лидија Шушак, вработена во Агенцијата за вработување во Битола, задолжена за комуникација со лицата со посебни потреби, истакна дека слепите лица можат да ја искористат програмата „Македонија вработува“ која ќе трае до април следната година, како и бесплатните обуки на Агенцијата.
- Создаваме услови за да го зголемиме бројот на нововработени слепи лица. Во моментов анкетираме околу 180 битолски фирми на кои им ги посочуваме законските поволности и олеснувања доколку вработат слепи лица и верувам дека наскоро ќе има такви можности. Мислам дека слепите лица посебно треба да ја искористат, рече Шушак.
Плановите и програмите на локалната самоуправа за помош и поддршка на слепите лица ги презентираше Благој Шаклевски, член на општинскиот Совет и најави изградба на дактилни патеки за рекреација на градското шеталиште, додека пак Драги Филевски, доскорешен прв човек на македонските Лајонси ја потврди континуираната поддршка и донации од кои посебно е значајна меѓународната донација од 500.000 долари за опрема на пет канцеларии во пет македонски градови меѓу кои и Битола.
По завршувањето на јавната трибина, сите учесници предводени од Стевче Костадиновски, претседател на Здружението на слепи лица – Битола го одржаа традиционалниот марш со бело стапче по Широк сокак.
Ново на Сител
-
Македонија ги живее најтоплите денови оваа лето – на високите температури реагираат и млади и стари
-
Седми ден гори на Готен
-
Телохранителот на премиерот обвинет за оддавање службена тајна, негира вина
-
Казанџи Груп пред нова инвестиција
-
Преглед на вестите од светот
-
Мицкоски: Пензиите ќе растат линеарно
-
Левица ќе бара разрешување на претседателката на ДКСК
-
СДСМ: Тошковски ја партизира полицијата