Медведев: Не постои воено решение за Сирија

Премиерот на Русија Дмитриј Медведев изјави денеска дека ставот на Русија е оти не постои „воено решение“ за Сирија, пренесува ТАСС.

Според него, силите кои се залагаат за мир во Сирија би требало да седнат на преговарачка маса и да се договорат за иднината на Сирија и идниот политички систем.

- Најважно е да се најде решение кое ќе ги вклучи сите страни. Иднината на Сирија треба да биде предвидлива - таа треба да постои како самостојна држава и не смее да се дозволи да се распадне на терористички енклави, како што се случи во Либија, потенцира Медведев.