Матис: Многу сојузници на САД се подготвени да ги зголемат своите контингенти во Авганистан

Голем број сојузници на САД се подготвени да ги зголемат своите контингенти во Авганистан, изјави американскиот министер за одбрана Џејмс Матис, откако претседателот Доналд Трамп ја објави новата стратегија на САД за Авганистан.

- Му укажав на претседателот на Советот на Генералштабовите на вооружените сили на САД, генерал Џоузеф Данфорд да започне подготовка за спроведување на стратегијата на шефот на државата. Јас ќе бидам во контакт со генералниот секретар на НАТО, Јенс Столтенберг и со нашите сојузници, од кои повеќето се подготвени да го зголемат бројот на својата војска во Авганистан, истакна Матис. 

Новата стратегија на САД за Авганистан предвидува Вашингтон веќе да не објавува број на своите војници во земјата и да не соопштува рокови за почеток и крај на воените операции.