Матета опција за зајакнување на напаѓачката линија на Манчестер Јунајтед

Манчестер Јунајтед оваа сезона сериозно се мачи да постигнува голови, но се чини дека „црвените ѓаволи“ најдоа лек за болестите што ги мачат, кога се однесува на реализација во противничкиот шеснаесетник.

Тимот од „Олд Трафорд“ е зафатен со правење планови за летниот трансфер пазар, а Рубен Аморим и спортскиот сектор го гледаат Жан-Филип Матета како примарна опција за зајакнување на напаѓачката линија на тимот.

Еден од најуспешните англиски и светски клубови моментално ја зазема навистина разочарувачката 14-та позиција на табелата во Премиер лигата, додека со 33 гола на 27 натпревари се поефикасни од само пет екипи.

За споредба, Мохамед Салах досега оваа кампања постигна 25 гола, што доволно говори за голгетерската криза низ која минува трикратниот европски шампион.

Интересно е што за петте комбинирани гола постигнати од Данецот и Холанѓанецот, Јунајтед платил вкупно речиси 115 милиони европски банкноти, што е 23 милиони по гол.

Напаѓачот на Кристал Палас е во одлична форма во последно време, откако постигна исто толку голови на последните осум натпревари. Сепак, силното момче од предградијата на Градот на љубовта неодамна беше жртва на хорор старт кој му донесе 25 конци, па ќе мора да паузира барем до почетокот на април.

Весникот „Дејли експрес“ објави дека лондонскиот клуб одредил цена од 40 милиони фунти за еден од своите најистакнати поединци, кој е под договор до 2027 година, па „црвените ѓаволи“ ќе мора да го отворат ќесето доколку сакаат да го земат од „Селхарст Парк“.

Манчестер Јунајтед во недела ќе го пречека Арсенал во 28. коло од Премиер лигата, барајќи второлигашки триумф во низа.