Мастерс: Полуфинале за Мугуруза и Квитова

Гарбине Мугуруза и Петра Квитова ги освоија првите две позиции во „белата“ група на Мастерсот во Сингапур и со тоа се пласираа во полуфиналето. Денеска во мечот од 3.коло Мугуруза ја победи Квитова со 2:1 во сетови (6:4; 4:6 и 7:5) и со максимални три победи го освои првото место во групата.

Освоениот сет за Квитова во денешниот меч беше од голема важност бидејќи Луси Сафарова ја совлада Анжелик Кербер со 2:0 во сетови (6:4 и 6:3), па така трите тенисерки имаа скор една победа и два пораза, но Квитова имаше освоено еден сет повеќе од ривалките во групата.

Табела: 

1 Мугуруза 3-0 (победи-порази)/ 6-1 (сетови)

2 Квитова 1-2 / 3-4

3 Кербер 1-2 / 2-4

4 Сафарова 1-2 / 2-4

Утре во полуфиналето ќе играат: Марија Шарапова – Петра Квитова и Гарбине Мугуруза – Агнешка Радванска.