Машала: Се роди бебе - џин тешко над 7 килограми

На Нов Зеланд е родено бебе тешко 7,39 килограми. Се претпоставува дека тоа е најтешкото бебе некогаш родено во оваа земја.

Мајката чиј идентитет не е откриен се породи во болницата во Велингтон и на свет донесе машко бебе тешко 7,39 килограми и долг 57 сантиметри. Породувањето е направено со царски рез и траело повеќе од 3 часа.

Бебето има двојно поголема тежина од нормалната.

Од болницата е потврдено дека мајката и бебето се добро.

Најтешкото дете од Нов Зеланд е втор син во семејството, а првото се родило со тежина од 5,4 килограми.

Таткото на детето изјави дека неговите пријатели искоментирале дека неговиот син ќе биде наследник на Џона Лому, еден од најпознатите и најдобрите новозеландски рагби играчи.

-Луѓето мислат дека мојот син ќе биде наследник на Лому, а ние сепак веруваме дека ќе биде пијанист, вели гордиот татко.

Родителите ќе мора да ги прескокнат стандардните пелени за новороденчиња и да поминатат на “третата големина“, а во подготвената гардероба да заборават на онаа намената за деца од 6 до 8 месеци.