Мареј го освои Мастерсот во Шангај

 

 Британецот Енди Мареј е победник на Мастерс турнирот во Шангај, Кина, откако денеска во финалето го совлада шпанскиот тенисер Роберт Баутиста-Агут со 2-0.

 

Во меч кој траеше еден час и 37 минути многу понеизвесен беше првиот сет која заврши 7:6 во тај-брејкот 7:1, додека во вториот Британецот со убедливи 6:1 го надигра својот ривал.

 

За вториот светски рекет ова беше 41. АТП трофеј, трет триумф во Шангај, шести трофеј оваа сезона и 13. од Мастерс серијата.

 

Турнирот се играше за награден фонд од 5,45 милиони долари.

 

Со новиот трофеј Мареј ќе добие нови бодови на АТП ранг листата и од утре уште повеќе ќе се доближи до водечкиот Новак Ѓоковиќ