Малиот Лука се бори со редок тумор на мозокот - мајката Ива бара помош за спас на својот син

Малиот Лука ја води најтешката битка. Наместо роденденска торта и свеченост, неговото семејство го помина денот на неговиот втор роденден во неизвесност и страв - Лука билитно пренесен во Италија за сложена операција на мозок. Неговата мајка, Ива, самохрана родителка, сподели потресна порака во која раскажува за тешката борба што ја водат и ја упати својата молба за помош до сите хумани граѓани.

„Здраво, јас сум Ива и сум мајка на моето храбро мало момче, Лука.

Тој штотуку наполни две години - но наместо да го слави роденденот дома, се соочивме со најлошиот кошмар на секој родител.

На самиот ден од неговиот втор роденден, Лука мораше итно да биде транспортиран од Северна Македонија во Болоња, Италија, за операција на мозок. Само медицинскиот транспорт чинеше 7.500 евра, но јас направив сè што можев за да го однесам на безбедно место и да ја добијам најдобрата можна нега.

Лекарите успешно го отстранија туморот, но биопсијата донесе срцепарателна вест - станува збор за малиген, редок и агресивен рак на мозокот наречен епендимом, кој влијае на централниот нервен систем.

Сега Лука се соочува со долго и тешко патување. Тој мора да започне со радиотерапија, проследено со месеци рехабилитација и терапија за да му се помогне да се опорави и физички и емоционално.

Како самохрана мајка, правам сè што е во моја моќ да останам силна за него, но медицинските, сместувачките и дневните трошоци се далеку над она што можам да го издржам сама.

Затоа ви се обраќам - да побарам ваша помош, молитви и поддршка.

Секоја донација, секое споделување и секој љубезен збор ни значи сè на светот. Вашата дарежливост ќе му помогне на Лука да продолжи со лекувањето и закрепнувањето - и ќе му даде шанса да се насмевне, да си игра и да го живее детството какво што заслужува.

Ве молам, имајте го Лука во вашите мисли и молитви додека ја продолжува оваа борба.
Ви благодарам од дното на моето срце за вашата љубезност, сочувство и надеж.

Со љубов и благодарност,
Ива (мајката на Лука)“, стои во објавата на GoFundMe.