Макрон и Зеленски утре ќе потпишат билатерален договор за безбедност
Претседателите на Франција и Украина, Емануел Макрон и Володимир Зеленски, утре во Париз ќе потпишат билатерален договор за безбедност, соопшти Елисејската палата.
„Договорот е дел од заложбата прифатена на состанокот на Групата седум индустриски најразвиени земји (Г7), одржан на маргините на самитот на НАТО во Вилнус во јули 2023 година“, се додава во соопштението на француското претседателство.
Лидерите на НАТО тогаш, на незадоволство на Киев, поставија краен рок за пристапување на Украина во Атлантската алијанса, но земјите од Г7 ветија дека ќе обезбедат воена поддршка „на долг рок“ за да и помогнат во борбата против руската офанзива и да ја одвратат Москва од каква било идни напади на Украина.
Велика Британија беше првата што постигна ваков договор за време на посетата на премиерот Риши Сунак (Риши) на Киев на 12 јануари.
Франција ќе биде првата земја од Европската унија која ќе го склучи овој договор. Претседателството на Украина вчера соопшти дека Зеленски, покрај Париз, утре ќе го посети и Берлин.
Украина ги продолжува преговорите со голем број други земји, од Италија до САД. Други земји, како Полска и некои скандинавски земји, се приклучија на иницијативата на Г7.
Ново на Сител
-
Малолетник со автомобил удрил во мотоциклист во Велес
-
Валтонен: Веднаш ќе почнат активностите за 15. пакет санкции против Русија
-
Двајца прилепчани приведени за кражба од викендица и фалсификувани банкноти
-
ЈО: Со спогодбите во „Синџир“ вратени безмалку 1.000.000 евра во државниот буџет
-
Изменет сообраќаен режим на булевар „Србија“ поради снимање филм
-
Во италијанскиот град Месина уапсени се 112 лица поради трговија со дрога
-
Подигнати 60 тони отпад од диви депонии во Скопје за време на викендот
-
Се санираат последиците од невремето во Тетово и Скопје, бројни пријави за претпрена материјална штета