Македонските футсалци поразени од БиХ во евроквалификациите
Македонската футсал репрезентација ги загуби шансите за пласман на Европското првенство, откако вечерва загуби во драматична завршница од Босна и Херцеговина во Скопје со 3:2 (1:0) во рамки на претпоследниот натпревар во квалификациите.
Репрезентацијата на БиХ, која уште пред вечерашниот меч го обезбеди пласманот на завршниот турнир како првопласирана во квалификациската група поведе преку Јосип Сесар во 13 минута.
Во отсуство на неколку повредени и позитивни играчи на коронавирус, ослабениот македонски состав успеа да израмни преку капитенот Дарко Ранготов во 22 минута, но Мирко Хркаќ во 36 минута повторно донесе предност за гостите.
Македонската репрезентација беше блиску до освојување бод, откако Јакуп Рамадан го израмни резултатот во 38 минута, но Билал Јелиќ на 12 секунди пред истекот биеше прецизно за продолжување на беспрекорната победничка серија на БиХ во евроквалификациите.
Избраниците на Васил Скендеровски по пет натпревари се на делба со Романија на последното место во групата 4 со два бода, а евроквалификациите ќе ги завршат идната среда со меѓусебниот дуел во Темишвар.
Ново на Сител
-
Превртена приколка од камион го блокира патот Истибања – Македонска Каменица, сообраќајот во прекин
-
Во среда авионска дезинсекција против комарци во Скопје
-
Град Скопје: Власта го политизира наместо да го осуди случајот со физичкиот напад врз градоначалничката Арсовска
-
Формиран Кризен штаб за заштита од пожари во Македонска Каменица
-
Украинските ученици наскоро ќе учат да летаат со ФПВ дронови како дел од ажурираната наставна програма „Одбрана на Украина“
-
Исчезна руски воен хеликоптер со пет лица
-
Кривична за кавадарчанец за шест дела „тешка кражба“ и две за „тешка кражба во обид“
-
Сузбиена организирана криминална група инволвирана во криумчарење на мигранти, приведени шест лица