Македонските фудбалери и гостуваат на Швајцарија

Македонската фудбалска репрезентација вечер ја очекува нов дуел со Швајцарија, десет дена по натпреварот во Скопје. Ова ќе биде меч од четвртото коло во Лигата на нации сегмент-Б.

Домаќините се апсолутни фаворити. Швајцарците ги добија сите три натпревари од почетокот на циклусот, додека Македонците ги забубија без постигнат гол.

Во Скопје, во 1.коло беше 3:0 за Швајцарија. Селекторот Гоце Седлоски очекува подобра игра во однос на првиот меѓусебен дуел.

– Знаеме каква репрезентација е Швајцарија и со какви играчи располага. Мора да ги надминеме грешките од првиот меч. На терен ќе излеземе да докажеме дека знаеме да ги отстраниме проблемите кои ги имавме, со колективна игра и еден за друг. Швајцарија е велесила, но ние тука не дојдовме само да одиграме натпревар, туку да направиме нешто. Сакаме добар натпревар и да се израдуваме по поразите кои ги имавме, изјави Седлоски на официјалната прес-конференција пред натпреварот.

Средбата ќе се игра на „Термоплан Арена“ во Луцерн со почеток во 20:45 часот. 

МИА