Македонскиот полициски синдикат бара решавање на проблемите на полициските службеници
Македонскиот полициски синдикат (МПС) бара отпочнување на социјалниот дијалог со надлежните и решавање на проблемите со кои се соочуваат полициските службеници.
Претседателот на Синдикатот, Ацо Антовски денеска на прес-конференција посочи дека условите за работа се несоодветни скоро во сите организациски единици и оти полициските службеници имаат застарена униформа и користат возилата со кои е загрозена нивната безбедност.
Според Антовски, има и преголем прекувремен работен ангажман на полициските службеници за што тие се несоодветни платени или не можат да земат слободни денови.
Синдикатот бара и распоредување на полицајците приправници со положен приправнички испит, како и доследно спроведување на договорот со владата за усогласување на платите на полициските службеници со платите на царинските службеници, финансиската полиција и УЈП.
- Отпочнувањето на социјалниот дијалог, а со тоа и решавањето на претходно споменатите состојби мора да почне веднаш, со било која влада на РМ, односно со било кој министер на МВР, при што Македонскиот полициски синдикат како единствен репрезентативен и најголем полициски синдикат во државата ќе биде рамноправен социјален партнер, кој ќе придонесе за успешно надминување на ваквите состојби, рече Антовски.
Од Македонскиот полициски синдикат велат дека доколку не бидат решени нивните барања, ќе ги искористат сите законски и синдикални средства.
Ново на Сител
-
Невреме со силен ветар, дожд и град попладнево го зафати кумановскиот регион
-
Врховниот судија Георгиев и членот на совет на обвинители Мемети осомничени за поткуп - Георгиев фатен на дело
-
Љупчо Палевски Палчо пред судија на претходна постапка за мерката притвор
-
Тема на денот со Миле Маркоски декан на ФЗНХ
-
Приватните специјализанти уште еднаш потсетија за нивните барања за поголеми плати и осигурување
-
Врховниот судија Георгиев и членот на совет на обвинители Мемети осомничени за поткуп - Георгиев фатен на дело
-
Љупчо Палевски Палчо пред судија на претходна постапка за мерката притвор
-
Изборен молк - Утре ќе се прегласува во 5 и 6 ИЕ за два пратеника