Македонски претсавници на симпозиум на тема „Културата и одржливиот развој“ во Софија

„Културата и одржливиот развој“ беше тема на меѓународниот симпозиум што се одржа во изминатите два дена во Софија, а на кој учествуваа претставници од Македонија, Хрватска, Србија, БиХ, Грција, Грузија, Молдавија, Романија и Косово.
 

Симпозиумот се одржа како регионален проект за перспективите на соработката на полето на културата меѓу земјите од ЈИЕ, а домаќин беше Министерството за култура на Република Бугарија.

 

Македонија ја претставија Васко Шутаров директор на Културно-информативен Центар на Македонија во Софија и Кристина Бисева советник во Управата за заштита на културното наследство на РМ.

 

Главни теми на симпозиумот беа поврзани со перспективите за соработка подржани од европските програми, како и регионалните иницијативи и структурните фондови, како подршка на културата во функција на севкупниот одржлив развој. Посебни тематски панели беа посветени на културниот туризам, културниот менаџмент и програмите на "Креативна Европа".