Македонија на стартот против Италија

Футсал репрезентацијата на Македонија утре во дуел со домаќинот на групата Италија ќе ги почне натпреварите од квалификациите за Светското првенство 2016 што ќе се одржи во Колумбија. Домаќинот Италија е првиот ривал за нашата реперезентација, а почетокот на дуелот е во 12 часот, додека во првиот натпревар од групата играат Словачка и Молдавија (почеток 10 часот).

Квалификациската група се игра во Бари.

 

Во пресрет на дуелите селекторот на Македонија Васко Скендеровски истакна:

- Ова е интересна група. Нашите три ривали се со различен квалитет и различен стил на игра. Италија е фаворит во групата и како домаќин, но и како европски шампион. Дуелот Македонија – Словачка ќе решава која репрезентација како втора ќе обезбеди место во баражот. Затоа и дуелот со Словачка ќе биде решавачки, бидејќи Молдавија е аутсајдерот во групата. Имаме реални шанси за успех дека оваа репрезентација реално е со најголем квалитет и фонд на играчи.

 

Во второто коло Македонија во петок ќе игра против Словачка, а во последното коло ривал ни е Модавија.