Македонија на саемот за туризам во Брисел
Тур-операторот Томас Кук-Белгија ја зајакнува својата соработка со македонските тур-оператори со што Македонија веќе се најде на нивниот продажен каталог за 2016 година.
Како што соопшти Агенцијата за промоција и поддршка на туризмот која наредните неколку дена ќе ја промовира Македонија пред белгиските туристи на саемот за туризам во Брисел, од Томас Кук -Белгија велат дека расте и интересот за Македонија од страна и на нивната продажна мрежа во светот.
- Како и секоја година, така и оваа Република Македонија учествува на саемот за туризам во Брисел што претставува значаен придонес како за туризмот, така и за целокупната економија. Ова е можност граѓаните на Белгија да се запознаат со туристичката понуда на Македонија која може да им понуди она што белгијците го немаат, изјави амбасадорот на Македонија во Белгија Лазар Еленовски.
На саемот за туризам во Белгија делегација на Агенцијата одржа состаноци и со најголемите белгиски и европски туристички организации и асоцијации: Асоцијацијата на белгиски туристички организации, Европската асоцијација на туристички агенции и тур оператори и Туристичката организација на Белгија, од кои произлегоа одлични можности за ширење на мрежата на соработници на Македонија во Белгија.
„Salon des Vacances” е најголем саем за туризам во Белгија каде што својата понуда ја изложуваат околу 500 дестинации од светот, а ко-учесници на македонскиот штанд се и ТА Фибула и Бохемиа.
Ново на Сител
-
Тошковски: Справувањето со илегалната миграција и останатите форми на прекуграничен криминал се еден од нашите главни приоритети
-
Мицкоски: Граѓаните да бидат спокојни зголемување на цената на електричната енергија нема да има
-
Повредени тројца од екипата на Итна помош откако беа заглавени во лифт во Кисела Вода што паднал во подрум
-
За пет месеци фреквенцијата на патници на ГП „Блато" зголемена за 14 отсто
-
Николоски бара Обвинителството да го испита работењето на ЈП за државни патишта и ЖРСМ Инфраструктура
-
Приведен скопјанец кој уценувал девојка
-
До март најверојатно ќе се реализираат две линеарни зголемувања на пензиите, најави Мицкоски
-
Мицотакис: Ги предупредуваме нашите северни соседи, не почнавте добро, престанете да правите сметка без крчмарот