Македонија ќе игра на Европското одбојкарско првенство

 

Иако во пресрет на дуелите од последната квалификациска рунда црвено-жолтите беа во тешка позиција и не зависеа само од себе, сепак вербата дека чуда се случуваа се исполни. 

 

Победите на Шведска над Азербејџан, како и триумфот на  Летонија против Израел, им даде дополнителен мотив на нашите одбојкари во дуелот со Унгарија. Предводени од капитенот Никола Ѓорѓиев нашите одбојкари не ја испуштија шансата па мечот го добија со максимални 3:0 по сетови 25-21, 25-20 и 25-21. 

 

Така, сонот на неколку генерации наназад конечно се оствари, па одбојкарите, по ракометарите и кошаркарите конечно ќе имаат можност да се надигруваат со најдобрите европски селекции. 

 

31-то Европско одбојкарско првенство ќе се одржува во четири земји, Словенија, Холандија, Белгија и Франција каде ќе се игра и завршницата, а во периодот од 13 до 29 септември.