Македонија и во 2022 година ќе учествува на Евровизија
Македонија и следната година ќе биде дел од 41 земји учеснички на изборот на песна за Евровизија.
Европската радиодифузна унија (ЕБУ) ја објави листата на земји кои ќе имаат свои претставници. Ќе учестуваат сите 39 годинешни претставници, а на сцената се враќаат и Црна Гора и Ерменија.
Од балканските земји Босна и Херцеговина е единствена земја што нема да биде дел од оваа музичко натпреаврување, а својот последен претставник го имаше во 2016 година.
Македонската радио телевизија како членка на ЕБУ очигледно прифатила да учествува и следната година, но нема информации од нивна страна. Оваа година нѐ претставуваше Васил Гарванлиев кој освои само 23 поени и не успеа да влезе во финале.
Во последните 10 години Македонија два пати има влезено во големото финале, еднаш со Калиопи и еднаш со Тамара Тодевска која впрочем победи според гласовите на стручното жири, но загуби со гласовите на публиката.
Со победата на групата „Манескин“ годинава, Италија ја доби можноста да биде домаќин на најпознатото музичко натпреварување во светот. Град домаќин ќе биде Торино.
Полуфиналните вечери ќе се одржат на 10 и 12 мај, додека големото финале е предвидено да се случи на 14 мај во „Пала Олимпико“, една од најголемите затворени арени во Италија.
Ново на Сител
-
ВМРО-ДПМНЕ пред одлука за следните чекори со цел предвремени избори
-
Ковачевски: Бугарите во Македонија ги имаат сите права
-
Народна банка со нови проекции
-
Утре продолжуваат преговорите СОНК – Влада
-
По цели 20 години штипските пожарникари добија нова опрема
-
Шведскиот парламент денеска гласа дали земјата ќе аплицира за влез во НАТО
-
Парите од ММФ нема да бидат доволни да се покрие буџетската дупка, еврообврзницата повторно во опција
-
Собор на СПЦ: Ќе се носи ли одлука за МПЦ-ОА?