Македонија и Грција почнуваат разговори за поевтинување на роамингот
Македонскиот министер за информатичко општество и администрација Дамјан Манчевски и грчкиот министер за дигитална политика, телекомуникации и медиуми Никос Папас и телекомуникациски оператори од Македонија и Грција следниот месец ќе одржат средба за конкретни решенија и временска рамка за да започне процедурата за намалување на цените во роаминг меѓу Грција и Македонија.
Согласност за тоа е постигната на денешната средба на министрите Манчевски и Папас во Софија, соопшти македонското Министерство за информатичко општество и администрација.
Манчевски го информирал Папас за меморандумот за соработка и предвидените активности за намалување на цените за роаминг со Бугарија, како принцип којшто може да се примени и со Грција.
- Двајцата министри се согласија заедно со операторите од Македонија и Грција, да се сретнат во Македонија, крајот на следниот месец каде ќе се разговара за конкретни решенија и временска рамка за да започне процедурата за намалување на цените. Министерот Папас потенцираше дека ова ќе биде особено значајно за граѓаните, ако се има во предвид големиот број на грчки и македонски граѓани кои патуваат во двете земји, се вели во соопштението од МИОА.
Како што истакнал министерот Манчевски, станува збор за решение од кое ефектите ќе ги почувствуваат сите граѓаните и поради тоа постои цврста волја тоа да се реализира и во пракса.
Министерот Папас се осврнал и на искуството на Грција во делот на дигитализација на администрацијата и на земјоделството. Од МИОА укажуваат дека постои интерес од страна на Грција да ги споделат своите најдобри практики во тие области, за што исто така ќе се разговара во јули во Македонија. Целта на договорените средби е да се започне со конкретни активности и проекти, и дефинирање на потребните услови за нивна реализација.
Манчевски во Софија учествува на Дигиталното Собрание 2018 со кое стартуваше Дигиталната агенда за Западен Балкан на Европската унија.
Ново на Сител
-
Поради пожар во НП Јасен патот Македонски брод Скопје затворен за секаков вид возила
-
Кривична против седум лица поради „местење“ на фудбалскиот натпревар ФК „Кожуф“- ФК „Башкими“
-
Зеленски бара тројна средба по самитот Путин–Трамп на Алјаска
-
Десетици илјади Украинци во САД од денеска без правна заштита и под ризик од депортација
-
Трамп пред средбата со Путин: Ќе се разговара и за територијални отстапки и безбедносни гаранции за Украина
-
Ангелов: Три пожари активни во моментов, деновиве од 20 до 30 пожари на отворен простор
-
УХМР: Од понеделник на повеќе места ќе биде нестабилно со пороен дожд и грмежи
-
Кривична за поранешна директорка на средно училиште во Демир Хисар