Мајк Пенс ги поддржува мировните преговори за Кипар

Претседателот на Република Кипар, Никос Анастасиадис по разговорите во Никозија со американскиот заменик-претседател Мајк Пенс ирази задоволство од подготвеноста на претставникот на САД да помогне во решавањето на проблемот со етнички поделениот остров, пишува весникот „Катимерини“.

- Она што ме радува е дека САД се заинтересирани за пронаоѓање решение за кипарското прашање, кое ќе биде прифатено од целиот народ на островот и кое ќе се заснова на европските принципи и на фактот дека Кипар е членка на ЕУ, изјави Анастасиадис. 

Пенс изрази поддршка за мировните преговори за повторно обединување на Кипар.

Освен кипарскиот проблем двајцата државници разговарале и за натамошно подлабочување на односите меѓу САД и Кипар, како и за ситуацијата на Блискиот Исток и за енергетски прашања.