Магла на патиштата кај Скопје, Битола, Тетово...

Сообраќајот на државните патишта во Македонија се одвива без забрани, по претежно суви коловози. Магла со видливост од 50 до 200 метри има кај Кула, Скопје, Тетово, Битола, Прилеп, Плетвар, Ресен, Македонски Брод, Кочани, Штип и Павлешенци, информира АМСМ.

Оттаму препорачуват внимателно возење, прилагодена брзина на движење и почитување на поставената сообраќајна сигнализација.

Посебно внимание е потребно на делниците кои минуваат низ клисурите и засеците, особено на патните правци Катланово – Велес, Маврово – Дебар – Струга, Гостивар – крак Маврово, Демир Капија – Удово, Кочани – Делчево и Виница – Берово, каде е можна почеста појава на одрони.

Интензитетот на сообраќај на патните правци надвор од градските средини е умерен, а на граничните премини од македонска страна нема подолги задржувања за влез и за излез од државата.