Мадуро и нуди преговори на опозицијата за излез од кризата
Венецуелскиот претседател Николас Мадуро повика на преговори со опозицијата за одржување избори, пред денешните масовни антивладини протести, што треба да се одржат во главниот град Каракас и во уште неколку други градови.
Протестите на опозицијата, кои траат три недели, предизвикаа судири на демонстрантите со полицијата, но и со разни провладини милитантни групи. Досега 20 лица ги загубија животите, а се уапсени повеќе од илјада демонстранти. Околу 700 се уште се во притвор.
Преговорите на власта и на опозицијата, што се одржаа минатата година, пропаднаа откако опозициските политичари го обвинија Мадуро дека ги „прекршува сите ветувања и договори“ како и дека ги користи разговорите за да „купува време за себе“.
Во изјава за државната телевизија, Мадуро истакна дека се согласува со одржување избори во земјата, но само за градоначалници и за гувернери во сојузните држави, но не и претседателски.
Опозицијата, која бара претседателски избори најдоцна на почетокот од идната година, сега бара оставка од Мадуро.
Локалните избори и онака треба редовно да се одржат во текот на годината, а гувернерските се од претходно закажани за крајот на оваа година.
Опозицијата го обвинува преѕседателот Мадуро и неговата влада дека се виновни за сегашната хаотична состојба во земјата и за големата економска и социјална криза.
Венецуела иако е богата со нафта, со години по ред се соочува со рецесија, со недостиг на храна и на основните продукти за населението и лекови, за што опозициските политичари ги обвинуваат политиката на популизам на Мадуро и неговата „револуција“ со воведување социјалистичка економија од кубански тип во Венецуела.
Протестите избувнаа откако Врховниот суд во земјата, кој е под контрола на владата, одлучи да суспендира некои од основните овластувања на Парламентот, кој е под контрола на опозицијата.
Ново на Сител
-
ОЈО поведе постапка за тешка кражба во Скопје
-
Ајдин Османовиќ ја испеа „Заветна“ како честитка за Илинден
-
Енди Мареј го одигра последниот натпревар во кариерата
-
Ѓоковиќ го победи Циципас и се пласираше во полуфиналето на Олимпијадата
-
Алкараз го победи Пол и се пласираше во полуфиналето на Олимпијадата во 2024 година
-
Сиљановска Давкова: Должност на секоја генерација е да ја продолжи борбата и да го обновува духот на македонската република
-
Управните служби и денеска ќе издаваат готови лични документи на граѓаните
-
Австралиската полиција заплени 900 килограми метамфетамин