Мадуро го поздрави преместувањето на Лопез во домашен притвор

Претседателот на Венецуела Николас Мадуро изјави денеска дека го поддржува префрлувањето на опозицискиот лидер Леополдо Лопез од воениот затвор, каде помина три години, во домашен притвор.

Мадуро нагласи оти се надева дека оваа мерка ќе даде основа за помирување, бидејќи на земјата и е потребен мир.

 Венецуелскиот Врховен суд потврди на Твитер дека е издадена наредба Лопез од затвор да биде префрлен во домашен притвор. 

- Леополдо Лопез е во својот дом со жената и децата, изјави адвокатот на венецуелскиот опозициски лидер.