Луѓето со психички болести во САД имаат право да си купат огнено оружје, одлучи Конгресот
Американскиот Сенат гласаше за блокирање на наредбата на Владата на Барак Обама, која на околу 75.000 лица со психички растројства им попречуваше да купуваат огнено оружје.
Отфрлањето на мерката сега оди на разгледување кај претседателот Доналд Трамп, кој се очекува да ја потпише новата одлука, соопштија американските медиуми.
Наредбата беше обид на Обама да ја засили федералната контрола врз продажбата на оружје по убиството на 20 ученици и шестмина возрасни лица во основно училиште во градчето Њутаун, во сојузната држава Конектикат. Дваесетгодишен маж, кој страдал од Аспергеров синдром и од опсесивно-компулсивно растројство, ја уби својата мајка, по што отиде во училиштето и го изврши масовното убиство и потоа се самоуби.
Наредбата на Владата на Обама бараше администрацијата за социјално осигурување да и ги испраќа имињата на лицата со умствени проблеми.
Но, пратениците, со поддршката на Националната асоцијација за огнено оружје и организациите за правата на човекот се спротивставија на мерката и го поттикнаа Конгресот да преземе процедура за нејзино укинување. Наредбата може да биде укината кога двата дома на Конгресот со просто мнозинство ќе усвојат заедничка резолуција против неа и потоа претседателот ја потпише.
Сенатот со 57 гласа „за“ и 43 „против“ гласаше за укинување на наредбата на претходната администрација и сега таа го чека одобрението од Трамп.
Според критичарите, мерката неправедно ги клевети овие луѓе и ги става во нерамноправна положба и е во спротивност со нивното уставно право да носат оружје.
- Доколку има веројатност конкретен човек да пројави агресија заради свое ментално заболување, Владата треба тоа да го докаже, кажа републиканскиот сенатор од Аризона, Чарлс Грасли, кој беше главниот застапник за укинување на нормативниот акт.
Ново на Сител
-
Бугарка приложила фалсификувана лична карта во скопска банка
-
ЦУК: Стабилна состојбата со водостоите на реките во тетовско и гостиварско, патните правци проодни
-
ЕВРО2024: Тројца избодени со нож во фан зона во Штутгарт
-
Отстранети 40 кубни метри отпад од дива депонија на „Пластичарска“
-
Сараево: Ги убил братот и снаата, ја запалил куќата, па се самоубил
-
Поплавен погон на скопска фирма
-
Македонец пронашол изгубено девојче во Неа Флогита
-
Нови пријави за оштетени автомобили и поплавени објекти во Скопје