ЛШ: Мурињо вечерва против Роналдо

Вечерва продолжуваат возбудувањата во фудбалската Лига на шампиони. Централен настан, вечерва, ќе биде дуелот помеѓу Манчестер јунајтед и Јувентус, односно настапот на Кристијано Роналдо против својот поранешен тим.

 

Јунајтед и Јувентус, вечерва од 21 часот, ќе играат во рамките на третото коло во Х-групата. Јасно е дека Јувентус, пред дуелот на титаните, е во подобра форма, меѓутоа тимот на Масимилијано Алегри, во саботата, ги загуби првите два бода од почетокот на сезоната, откако одигра само 1:1 против Џенова.

 

Манчестер јунајтед се мачи од стартот на новата сезона, тимот на Жозе Мурињо игра променливо, а викендов секунди го делеа од победа во дербито против Челси.

 

Кристијано Роналдо втор пат се враќа на „Олд Трафорд“. Пред четири и пол години како играч на Реал победи 2:1.

 

Во истата ова група од 18:55 часот својот натпревар ќе го започнат Јанг Бојс и Валенсија. Во овој термин, но во Е-групата, во Атина, АЕК ќе го пречека Баерн Минхен.

 

Од 21 часот, во Е-групата Ајакас ќе ја пречека Бенфика, во Ф-групата Манчестер сити гостува кај Шахтјор, а Хофенхајм ќе го пречека Олимпик Лион, а во Г-групата фаворитите кои се во криза имаат императив да победата. Реал за противник ќе го има тимот на Викторија од Плзен, а Рома ќе се сретне со ЦСКА Москва.