ЛШ: Европскиот шампион започна ударно против Атлетико, Лукаку го спаси Интер на „Меаца“
Европскиот шампион Баерн Минхен го победи Атлетико Мадрид со 4: 0 во натпревар од групата „А“ во Лигата на шампионите на „Алијанц Арена“.
„Јорганџиите“ тргнаа смело на мечот, но момците на Ханси Флик создадоа поопасни ситуации и демонстрираа ефикасност.
Никлас Зуле ја погоди гредата, а пред истекувањето на половина час игра, Кингсли Коман ја затресе мрежата на тимот од Мадрид. Непосредно пред паузата, Французинот запиша асистенција за Леон Горецка.
Веднаш по паузата, голот на Жоао Феликс беше поништен поради офсајд, а во средината на второто полувреме Баварците упатија уште два тешки удари, откако реализираа на двапати во рок од шест минути преку Толисо и Коман.
Така, Баерн ја предводи групата во која Салцбург и Локомотив Москва одиграа нерешено 2: 2 порано денес.
![](https://mia.mk/wp-content/uploads/2020/10/romelu.jpg)
Интер и Борусија Менхенгладбах пак приредија шоу – 2: 2, во натпревар од групата „Б“.
Натпреварот на „Меаца“ заврши многу драматично, а за сите 90 минути Германците упатија само два удари, што се покажаа како голови. Тие беа дело на Рами Бензебаин, кој погоди од пенал за 1:1 по нешто повеќе од еден час игра и на Јонас Хофман. Тој погоди во 85-та минута и голот беше признат и покрај интервенцијата на ВАР.
Пред тоа, Ромелу Лукаку ги доведе „нероазурите“ во водство, а во 90-тата минута белгиската ѕвезда го спаси Интер од пораз.
Во поредокот, двата тима имаат по 1 бод, лидер е Шахтјор Доњецк со 3 бода, Реал Мадрид е се уште со нула, откако претходно денес загуби со 2:3 од „рударите“ во Мадрид.
Следната недела Италијанците ја посетуваат Украина, а Шпанците играат во Германија.
Резултати од прво коло на ЛШ:
Група „А“:
Салцбург – Локомотив Москва 2:2
Баерн Минхен – Атлетико Мадрид 4:0
Група „Б“:
Реал Мадрид – Шахтјар Доњецк 2:3
Интер – Борусија Менхенгладбах 2:2
Група „Ц“:
Манчестер Сити – Порто 3:1
Олимпијакос – Марсеј 1:0
Група „Д“:
Ајакс – Ливерпул 0:1
Митиланд – Аталанта 0:4
Ново на Сител
-
На ГП Табановце за влез и излез од државата се чека по околу половина час
-
Зеќирија Ибрахими е нов претседател на Алтернатива избран на вонредниот конгрес во Куманово
-
Кратово блесна во полн сјај на првата фестивалска вечер од ЗЛАТНИ ДЕНОВИ КРАТОВО 2024 | ФОТО
-
МВР го барала да го уапси, а тој пробал да лета преку аеродромот во Скопје
-
Повреден германски параглајдерист - Летал над Крушево
-
ДКСК: Го следиме именувањето на в.д. директори во државните институции, ќе реагираме ако има неправилности
-
Даути избрана за генерален, а Јајага за организациски секретар на АА
-
Следува период на многу топло време со температури до 40 степени