Лондонската полиција уапси уште две лица во врска со нападот

Уште две лица се уапсени во Лондон, поради осомниченост за поврзаност со терористичкиот напад во британскиот главен град, соопшти денеска полицијата. 

- Во текот на ноќта извршивме уште две важни апсења, изјави командатот на антитерористичките сили, Марк Раули. 

Тој потврди дека една жена е ослободена, а во притвор се девет лица. 

Раули изјави дека Халид Масуд, кој во средата прегази три лица на Вестминистерскиот мост и уби со нож полицаец пред зградата на британскиот Парламент, кој потоа беше убиен од полицијата, е роден како Едријен Расел.