Лончар: Србија потпиша нов договор со Фајзер/Бионтек за 2.390.000 дози вакцини
Српскиот министер за здравство Златибор Лончар потврди дека денеска е потпишана промена на договорот, односно нов договор со американско-германската компанија Фајзер/Бионтек, според кој на Србија во вториот квартал од годината ќе и бидат доставени 1,2 милиони дози вакцини против коронавирус и уште 1,19 милиони во третиот квартал или вкупно 2.390.000 дози, јави дописникот на МИА од Белград.
-Тоа е огромен успех за граѓаните на Србија, ние направивме нешто за што повеќето во светот можат само да сонуваат, изјави министерот за РТС.
Лончар додаде дека на денешната средба со министерот за здравство на Република Српска, Ален Чераниќ, било договорено да се продолжи со вакцинирањето на медицински работници од РС во Србија.
-Денеска е трет ден како во Шабац, Лозница, Сремска Митровица и делумно во Белград се вакцинираат здравствените работници од РС. Се приближуваме до бројката од 5.000 вакцинирани и се договоривме за понатамошно вакцинирање на медицинските работници од приватни установи и вработените во домовите за стари лица, кажа Лончар.
Ново на Сител
-
Променливо облачно со услови за краткотраен пороен дожд
-
Силно невреме ја зафати Словенија
-
МВР: Се преземаат дополнителни мерки за расчистување на случајот со отстранувањето на македонското знаме од Кораб
-
Албански планинари го отстранија македонското и го закачија албанското знаме на Кораб | ВИДЕО
-
Стано: Цел на дијалогот Белград-Приштина е нормализација на меѓусебните односи
-
МНР: Македонскиот амбасадор во Албанија, Данчо Марковски е веќе повикан на консултации
-
Од полноќ бензинот ЕУРОСУПЕР БС-95 поскап за половина денар
-
Муцунски се сретна со унгарскиот амбасадор Клаин