Локалните власти прогласија вонредна состојба поради пожарите кај Сребреница
Шумскиот пожар што избувна пред неколку дена во Националниот парк „Дрина“ во атарот на селото Лука во општина Сребреница во БиХ, се уште се шири низ непристапен терен, падини и карпи над Перуќачко Езеро на Дрина, соопшти Територијалната пожарна единица Сребреница.
Пожарниците изјавуваат дека не е можно да се гаси овој пожар од земја, бидејќи теренот е непристапен и опасен за луѓето, но е тешко и за техниката.
Пожарот зафатил четинари и ниска вегетација. Директорот на Националниот парк, Радомир Павловиќ, изјави дека е побарана помош и се очекува дека утре, во гаснењето на пожарот ќе учествуваат и хеликоптерите од Хеликоптерскиот сервис на Република Српска и Оружените сили на БиХ.
Началникот за општествени активности на општината Сребреница, Адем Мехмедовиќ, соопшти дека пожарот сè уште се шири на непристапен терен кон Дрина. „Прогласивме ванредно состојба за месната заедница Лука. Утринава испративме механизација кон тоа село за да го зачистиме патот и да направиме пресек во случај пламените јазици да се прошират кон селото. Подготвивме објекти за евентуална евакуација на населението ако биде потребно, бидејќи постои опасност од голема количина чад во селото, појасни Мехмедовиќ.
Пожари во последните недели зафатија неколку подрачја во Босна и Херцеговина, меѓу кои и Националниот парк „Сутјеска“, околината на Билеќа, Маглај и Какањ.
Ново на Сител
-
Мицкоски: Интеграцијата на ЕУ да се темели на напредок, а не билатерални прашања
-
Тема на денот со професор Методи Хаџи Јанев
-
ВО ЖИВО: Мицкоски во Брисел на средба со Фон дер Лајен и Мишел
-
Борисов бара оставка од Николовски или крај на разговорите со Македонија
-
Албанските партии нема да седат мирни по укинувањето на балансерот, се најавуваат закони за правична застапеност
-
Пациент почина на Инфективна поради компликации од западно-нилска треска
-
Дефицитот од докторски кадар во ЈЗУ ќе се надоместува со приватни специјализанти
-
СДСМ: Тошковски го ослободил бодигардот на Мицкоски кој тепаше полицаец