Локализиран пожарот во поранешната фабрика „1 Мај" во Куманово
Локализиран е пожарот што 13 пожарникари со три противпожарни возила од ТППЕ Куманово, претпладнево го гасеа на објект во поранешната фабрика за градежна столарија „1 Мај„ во Куманово. Пожарот околу 10:30 часот избувнал во погонот познат како стара фарбара.
- Пожарот е ставен под контрола и не постои можност за понатамошно проширување. Сепак, наша екипа ќе остане на терен се до целосното ликвидирање, изјави Дејан Илиевски, командирот на ТППЕ Куманово.
Тој додаде дека станува збор за објект со значителна површина и дека целиот објект бил во пламен.
Причините за настанување на пожарот и настаната материјална штета допрва ќе се утврдуваат.
Очевидци раскажуваат дека екипата на ТППЕ Куманово веднаш пристигнала на терен, а од Кумановската противпожарна единица додаваат дека успешно е спречено проширувањето на пожарот, особено ако се земе во предвид дека сите објекти во поранешната фабрика се поврзани еден со друг.
Во минатото во фабриката за производство на столарија, врати и прозорци работеа и по двесте работници.
Ново на Сител
-
ДИК ги објави првичните официјални резултати од Претседателските и Парламентарните избори
-
Зеленски го потпиша законот за продолжување на вонредната состојба и општа мобилизација
-
Онлајн работа за младите со европски плати | Јанг стори со Мими | Sitel Podcast 034
-
Бангладеш: Во удари од гром загинаа 74 луѓе за 38 дена
-
Рама в недела ќе одржи собир во Атина
-
Протести во Малме против учеството на израелскиот претставник на Евровизија
-
Турција ја одложи забраната за трговија со Израел
-
Гостиварчанец измамен за 1.500 евра - сторителот е приведен