Локализиран пожарот кај селото Јеловјане, општина Боговиње
Пожарот кај селото Јеловјане, општина Боговиње целосно е локализиран денеска околу 13 часот и 30 минути. Во гасењето учествувале два авиона што неколкупати го надлетувале местото зафатено од пожар, едно противпожарно возило на Тетовската територијална противпожарна единица и жители на селото, информираа од Центарот за управување со кризи.
Пожарот избувнал повторно денеска околу 10 часот, по што жителите ги алармирале неадлежните бидејќи од првично зафатените од 300 до 500 метри квадратни сува трева и нискостеблета шума, тој се проширил на околу десет хектари.
Од ЦУК-Тетово информираат дека пожарот кај Јеловјане избувнал вчера во месноста викна Присој на околу триста метри воздушна линија од селото и зафатил околу 1000 метри квадратни со трева и нискостеблеста вегетација, по што уште вчера бил локализиран и изгаснат. Денеска поради временските прилики, суво и топло време проследено со силен ветер тој повторно се активирал.
Според информациите од надлежните, во текот на вчерашниот ден во Тетовско биле забележани уште два поголеми пожари. Едниот кај Теарце, кога биле зафатени околу 15 хектари трева и ниска вегетација, додека кај селото Доброште, иако била зафатена помала површина од околу 5 хектари, во пожарот изгореле две бандери за електрична енергија и кабел од Македонски телеком.
Ново на Сител
-
Управен суд ја запре постапката за жалбата на коалицијата Вреди
-
Тема на денот со Јанаки Митровски, адвокат
-
Се крои владината коалиција со Вреди - ВМРО-ДПМНЕ веќе сама обезбеди 61 пратеник
-
Мицкоски во јавните настапи ќе користи „Македонија“ и „македонски“
-
Управен суд ја запре постапката за жалбата на коалицијата Вреди
-
Поради недоаѓање на сведоците одложено рочиштето за Пендиков
-
Корупцијата и неефикасната администрација - најголем проблем за германските инвеститори
-
Палчо ја помина првата вечер во притвор во „Шутка'', од неговата партија бараат биохемиска анализа на оброците