Лишен од слобода кавадарчанец, со алат се обидел да влезе во туѓ дом
Кавадарчанец бил лишен од слобода, со алат се обидел да влезе во туѓ дом, информираа денеска од Секторот за внатрешни работи Велес.
-Синоќа во 22:00 часот, полициски службеници од ОВР Кавадарци го лишиле од слобода О.В.(42) од овој град, затоа што со погоден алат се обидел да влезе во дом сопственост на сограѓанинот Г.Д.. О.В. бил задржан во полициска станица, известен бил јавен обвинител и по документирање на настанот, против него ќе биде поднесена соодветна пријава, соопштија од СВР Велес.
Притоа додадоа дека вчера во 11:00 часот во ОВР Кавадарци, С.Т.(53) од овој град, пријавил дека на улица „Григор Прличев“, бил физички нападнат од сожителот Г.К.. Се преземаат мерки за расчистување на настанот.
Од СВР Велес информираа дека вчера во ОВР Кавадарци било пријавено дека околу 14:30 часот, на улица Маршал Тито“ во село Марена, кавадаречко, се случила сообраќајна несреќа помеѓу патничко возило „шкода“ со кавадаречки регистарски ознаки, управувано од Д.С.(43) од Кавадарци и патничко возило „фиат“ со кавадаречки регистарски ознаки, управувано од В.С. (29) од село Ваташа, кавадаречко. Во несреќата со тешки телесни повреди се здобиле двајцата возачи, а со телесни повреди се здобил А.Ѓ.(32) сопатник во патничкото возило „фиат“, констатирани во Општа болница во Кавадарци. Увид на местото извршила увидна екипа од ОВР Кавадарци.
- Вчера во 17:20 часот, полициски службеници од ОВР Неготино, во Неготино, го привеле Џ.Н.(32) од Велес, кој бил баран врз основа на наредба од Основен суд Велес, поради издржување на казна затвор во Казнено - поправната установа Затвор Идризово. Лицето било спроведено во установата за издржување на казната, соопштија од СВР Велес.
Ново на Сител
-
Трамп вели дека е можно олеснување на царините ако ЕУ го отвори пазарот за американските фирми
-
Тајланд и Камбоџа започнаа вооружен судир на спорната граница
-
Кривична за три лица вработени во општина Крива Паланка за злоупотреба на службена положба
-
Рашфорд во Барселона
-
Македонија „под вршник“, да се почитуваат препораките за заштита од високи температури
-
Собранието ќе одржи продолженија на три седници
-
Сончево и многу топло, до 42 степена
-
ЦУК: Шест активни пожари и четири под контрола